gabileymedia.com
Akhriso-Hagar Daamooyinkii Beesha Cirro Ay Boqnaha Ku Goynaysay Madaxweyne Siilaanyo Markii uu Ololaha Ku Jiray Sanadihii 2003-2010 Iyo Hiilkii Taageero Ee Beesha Muuse Biixi
July 19, 2017 - Written by media news

Hargaysa (GM) Gedgedoonka Siyaasadeed ee Somaliland ayaa la sheegaa inuu Soo Maray marxalado Kala gedisan oo Marba heer soo Taagnaa Balse iska Hor imaanaya Marka loo eego Xaalada Siyaasadeed ee Xiligan Gaar ahaana Waxaan soo qaadan Karna Xisbiga Waddani.

Inkastoo Ay ninba Kartidiisu Meel Dhigtay Xisbi ahaan,Beel Ahaan iyo Taageero Laga Kala Kasbaday Shacab weynaha Somaliland Hadana Madaxweyne Siilaanyo xiligii uu Ololaha ku jiray Sanadkii 2003 iyo 2010 waxaa la xasuustaa Beelo iyo Siyaasiyiin Si adag Uga Soo horjeeday Hanashada Hankiisa ee kursiga Madaxweynaha Somaliland oo aanay Jirin Xiliyadaasi Xisbi Kula loolami Karayay Marka loo eego Tartamayaashii Dhigiisa Ahaa.

Gole Kasta iyo Fagaarayaasha Taageerada Shacabka lagu Kala hororsanayo oo uu Soo Istaago Madaxweyne Siilaanyo Waxaa la wada Ogyahay In Goobaha Qaar Ay u Tiriyeen Gacmo Madhan iyadoo Meelaha Qaarna Loo Sii Raaciyay Hadalo u Muuqday Xiligaasi digasho iyo Deelqaaf.

Qormadeena ayaynu Ku Kala Qaadi Doonaa inagoo Hogo Tusaalayn Doona Siyaasiyiinta Madaxweyne Siilaanyo Dibin Daabyeeyey Iyo Beelihii Beesha Bariga Burco ku Wacad furay Kana horyimi Mowqifka Ay ku Wataan Siyaasigooda oo xiligaasi ahaa Axmed Maxamed Siilaanyo.

Beesha Bariga Burco Iyo Beesha Galbeedka Burco

Inkastoo Aanay Siyaasadu Geed keliya Fadhiyin Hadana Beesha Galbeedka Burco oo waqtigaasi aan Haba Yaraatee Filayn in Ay jirto Waqti ay u baahan Doonto Taageerada Beesha Dhigeda ah ee Bariga Burco Ayaa Waxaa La wada ogsoon yahay in Madal loo wada dhamaa sanadkii 2003 ay Waxgaradka iyo qoorweynta Beesha Bariga Burco ugu Kolonyaysteen sidii ay Beesha ay Wada degaan Cod iyo taageero uga raadsan Lahaayeen maadaama uu u sharaxan yahay Gudoomiyihii xiligaasi ee xisbiga Kulmiye oo Ahaa Axmed Siilaanyo Taasi oo Markii danbe ay Keentay in Madashaasi Laga soo Wada Huleelo iyadoo ay Welibana dheer tahay Weji Gabax beeshu kala Kulantay Beesha Galbeedka Burco kadib markii Maahmaahyo iyo Hadalo aan Tudhaale Lahayn Loo Sii Raaciyay Ayna ka mid ahaayeen “Habarjeclo Fudayd waanu Ku Ogayn Balse Nacasnimo kumaanu Ogayn” iyagoo uga Jeeda Waxgaradka Beesha Galbeedka Burco “Habarjeclo ayaa Habaryoonis Cod iyo Taageero ka Doonaysa Waa Nacasnimo”

Siilaanyo iyo Ololihii 2010

Madaxweyne Siilaanyo oo Xiligii ka horeeyey Sanadkaasi uu Doorashada ku Guulaystay kadib markii uu Hadhay Xisbigiisu Sanadkii 2003 waxaa Xiliyadii uu Ololaha ku Jiray Dagaalkii ugu adkaa La Galay Wasiiradii beesha Galbeedka Burco ugu jiray Dawladii Daahir Riyaale Kaahin kuwaasi oo Aynu kasoo qaadan Karno Siciid Sulub,Xuseen Cali Ducaale Cawil,iyo Xoghayihii Guud ee Xisbiga Udub Maxamed Ismaaciil Bulaale ee Geeriyooday kuwaasi oo Fagaarayaasha Ka Jeedin Jiray Khudbado Ay inta badan Aflagaadooyin iyo Masabid u Badan iyagoo Halhays u Lahaa (Riyaale Dhab Libaax Ayuu Ku Jiifaa)

 

Beesha Galbeedka Burco iyo Saleebaan Gaal

Inkastoo laga Wada Heshiiyay Wixii soo Kala Dhex maray Beelaha Somaliland Hadana Beesha Galbeedka Burco Weli Maysan Ilaawin Wixii Dhex Maray beesha Walaalaheeda ah waxaana taasi Marag ma doon u ah Ka dib markii Saleebaan Gaal oo Ka sharaxnaa Xisbigii uu aasaasay ee ASAD uu Doonay inuu Cod u doonto beesha Galbeedka Burco balse Nasiib daro ay kaga dhacday Arin Fajaciso ku noqotay oo Ahayd ka dib markii la geeyey Xabaalo ku yaala duleedka Deegaanka Oodweyne ee laga dalbaday inuu Garanayo iyo Inkale taasi oo uu Isaguna Halkaasi kusoo qaatay Heesta geela loogu heeso ee Ahayd”Usha Dhabarkiyo,Usha Dheegaba Anaa Kugu dhigay,Adaase I Dhibay,Waanse Kaa dhayi”

Hadaba Waxaa La is weydiinayaa Kala Duwanaanshaha Siyaasadeed ee Xisbiga Waddani iyo Waqtigii Kulmiye ee uu hogaaminayay Madaxweyne Siilaanyo waxaana Xusid Mudan in Cabdiraxmaan Cirro Sanadkii 2015 uu Soo Qaatay Hadal Ahaa KABAHA AYAAN AFKA KU QAADI xiligaasi oo loolan ka dhex Taagnaa Golaha Wakiilada Isla markaana uu Gudoomiyaha Waddani Sidii Suldaankii Habaryoonis Uu Habarjeclo Kabaha afka ugu Qaaday isna Maanta oo Kale ugu qaadayo

Kala Duwanaanshaha Duruufihii Siilaanyo Ololaha Ku Galay Iyo Doorka Hogaamiye Xirsi ee Xisbiga Waddani Waa Laba Aan Isku Dhoweyn

Akhriste Qaybta Labaad Waxaan ku Soo Bandhigi Doonaa Hayaankii Siyaasadeed ee Beesha Bariga Burco Kula Midowday Isla Markaana Ugu Soo fadhiisatay Beelaha Subeer Awal sidii ay Taageero Maanta usiin Lahaayeen Iyo Cududii Lagu Aqbalay iyadoo Meesha laga saaray in Axmed Siilaanyo Iyo Beeshiisu Guuldaro Kala Kulmaan Doorashooyinkii Dalka  Taasi oo Muuse Biixi Iyo Haldoor kale oo uu Gadhwadeen u Yahay u Biyaysteen inay geed Dheer iyo Mid Gaabanba Ugu Fuulaan sidii ay Siilaanyo iyo beeshiisa Uga dhayi lahaayeen Dhididka iyo Xumada Siyaasadeed ee ay kala Kulmeen Beesha Cabdiraxmaan Cirro waxaana ay Taasi Miiska soo saartay in Siilaanyo Dalka Madaxweyne ka Noqdo

Dhinaca Kale Waxaan ku soo bandhigi Doonaa Dhacdooyin Ugub ah Oo Sawirka Madaxweynaha Somaliland Looga diiday In La Sudho Goobo ka mid ah Gudaha Magaalada Burco

LASOCO QAYBTA LABAAD

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- Gabooyelive;com
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- QODAaL.COM
- Qtlhost.COM
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews